Descrición
Miradoiro desde o que contemplar unhas fermosas vistas da cavidade mariña de gran beleza coñecida como "Igrexa de Coedo ou Coeda" e a praia do Perdouro, dentro da área recoñecida como geosite, lugar de interese xeolóxico de relevacia mundial. Desde aquí sae un camiño de terra con pendente para acceder á praia e zona xeolóxica, sendo máis aconsellable acceder a esta desde as inmediacións da Lonxa. Se se ten intención de visitar a praia e zona xeolóxica de O Perdouro é necesario facelo con precaución, consultando a táboa de mareas do día (cóbrese en períodos de marea alta) e levar calzado cómodo e adecuado, xa que é unha zona de rocas e cantos rodados que eventualmente poden atoparse húmidos.
Localización
