Descrición
Conxunto de bolos graníticos situados nas inmediacións dos recintos castrexos de Burela de Castro de Cabo Burela e Castro de "Chao do Castro", moi próximo ás "Tetas da Vinculeira". Son coñecidos como "Pena do Neno" porque a súa forma lembra á figura dun bebé ou neno/a de idade temperá recostado/a sobre a herba. Un bolo sería a cabeza, na que se podería apreciar o "nariz", e o bolo central sería a avultada barriga do neno e un brazo co seu puño cerrado. Pódense divisar desde as inmediacións de Cabo Burela, no paseo marítimo, por onde transcorre o Sendeiro Azul Ruta do Litoral Burelense, o Camiño Natural do Cantábrico e a Ruta Circular de Burela.
Localización
