Descrición
Praia de 300 metros de lonxitude en forma de cuncha. Pola súa ondada, é idónea para a práctica de deportes acuáticos como o surf, sendo habitual atoparse afeccionados coas súas táboas. Conta con aparcamento, área recreativa con parque infantil, rede de voleibol, acceso para minusválidos, aseos, duchas, sinalización, paneis informativos, vixilancia en tempada alta e servizo de limpeza. Nas inmediacións atópase a zona deportiva da Marosa, que conta con campos de fútbol natural e artificial e pistas de tenis e pádel. Nos últimos anos foille outorgado o distintivo de Bandeira Azul.
Localización
